Pan rwyt ti’n sgrolio drwy’r amser, mae dy feddwl yn cael ei lenwi â channoedd o luniau, fideos a darnau o wybodaeth ar yr un pryd. Mae’r ymennydd yn gorfod gweithio’n galed i brosesu’r cyfan, ac mae hynny’n gallu gwneud i ti deimlo’n flinedig, yn niwlog, ac weithiau’n dipyn o granc.

Mae gormod o sgrolio’n effeithio ar sut rydyn ni’n meddwl, yn ymlacio ac yn cysgu, sydd dim yn wych pan wyt ti’n trio cadw dy lygaid ar agor ac yn canolbwyntio yn ystod y dydd! Mae hefyd yn gallu newid dy hwyliau. Efallai dy fod ti wedi teimlo’n cael dy adael allan oherwydd nad wnest ti gael gwahoddiad i ddigwyddiad, neu’n genfigennus oherwydd bod y bachgen rwyt ti’n hoffi wedi mynd allan gyda rhywun arall. Tase ti ddim ar dy ffôn, efallai na fyddet ti hyd yn oed wedi gwybod, a bydde ti wedi canolbwyntio ar yr hyn sy’n digwydd o dy flaen di, gan deimlo’n hapusach o ganlyniad. Paid â gadael i fywyd go iawn fynd heibio tra bo ti’n mwynhau bywyd digidol!

Y newyddion da? Nid oes rhaid i “digital detox” olygu dileu pob ap neu fwrw dy ffôn trwy’r ffenestr! Mae’n golygu cymryd seibiau bach o’r sgrin fel bod dy feddwl yn cael cyfle i... wel, meddwl! Boed hynny’n hanner awr, cwpl o oriau neu noson gyfan, mae rhoi amser i ffwrdd o’r ffôn yn helpu i ti deimlo’n dawelach, yn gliriach ac yn rhoi rheolaeth o dy fywyd yn ôl yn dy ddwylo di.