Gyda’r tywydd wedi setlo, y dail wedi troi eu lliw a’r siwmperi cynnes yn barod amdanat ti, mae’n deg i ddweud bod ein darllenwyr yn gyffrous iawn am ddyfodiad yr hydref. Mae gymaint o bethau i’w wneud, o ymweld â chaeau pwmpenni i fynd i gaffi am baned sbeis pwmpen (yn dy sanau pwmpen hefyd, wrth gwrs). Ond, gyda thymor sydd yn teimlo mor fyr i’w gymharu gyda gweddill y flwyddyn, sut wyt ti’n mynd i allu gwneud bob dim?

Awyr Agored

Ym mis Hydref, ar drothwy tywydd mawr y gaeaf, mae’n gwneud synnwyr gwneud y mwyaf o bob un diferyn o’r haul a’r awel eiconig hydrefol. Mae’n mynd heb ddweud bod mynd am dro yn syniad da, ond mae rhaid yn credu mai’r hydref yw’r tymor perffaith ar gyfer mentro. Pam? Wel, dydi hi ddim yn rhy boeth nac yn rhy oer, ac os fyddi di ddigon lwcus i allu cymryd mantais o’r cyfle heb dywydd rhy wyllt yna byddi di’n dyst i wledd o fyd natur wrth i’r holl anifeiliaid a phlanhigion paratoi am y gaeaf i ddod - sydd yn gwneud cefndir perffaith ar gyfer lluniau i’r socials!

Os oes cae o bwmpenni yn dy ardal di, beth am fynd amdani i fwynhau’r olygfa? Efallai bod rhai yn hoff o ddatgan bod caeau pwmpenni yn hen arfer “Americanaidd”, sydd yn wir i ryw raddau. Ond, rhaid cyfaddef, mae’n swnio fel lot fawr iawn o hwyl, dydi? Paned, pwmpeni, a digon o chwerthin.