Dyma derm sy’n cael ei ddefnyddio i ddisgrifio straen eithafol a pharhaol, a hynny wedi ei brofi dros gyfnod o amser. Er bod symptomau straen a gorflino yn debyg i ryw raddau, mae gorflino fel petai’n gam ymhellach. Pan fo rhywun yn profi straen, mae ei effeithiau yn rai byr dymor sy’n effeithio ar eu cwsg, emosiynau ac efallai ar eu profiadau cymdeithasol. Ar y llaw arall, mae gorflino yn fwy eithafol - mae’n dod gyda theimlad sylweddol o anobaith na fydd y straen byth yn pylu, sy’n gallu arwain at le tywyll dros ben. Mae’n gallu dod gyda llu o symptomau, sy’n amrywio i bawb. Mae rhai yn profi cur pen rheolaidd neu drafferthion anadlu tra bod eraill yn profi teimlo’n ddiwerth neu drafferthion canolbwyntio. Er nad ydi Sefydliad Iechyd y Byd ddim yn nodi gorflino fel cyflwr meddygol, mae’n sicr yn gallu arwain ar gyflyrau fel gorbryder ac iselder ac felly mae’n holl bwysig ceisio lleddfu ar y straen cyn iddo fynd yn ormod.