Mae mis Mehefin yn fis arbennig iawn, a hynny gan ei fod yn Fis Pride. Dyma fis sydd yn canolbwyntio ar ddathlu’r gymuned LHDTC+ ar hyd a lled y byd a mis sydd yn hybu cydraddoldeb, gan edrych yn ôl ar hanes y gymuned, dathlu hunaniaeth heddiw a thrafod sut allwn ni symud ymlaen yn y dyfodol.

Cychwynodd Mis Pride yn 1979 draw yn yr Undol Daliaethau, a hynny er mwyn dathlu blwyddyn ers Terfysgoedd Stonewall. Er i sawl ddigwyddiad dathlu cael eu cynnal yng Nghymru yn y 80au a 90au, yn 1999 oedd y digwyddiad Pride Cymru swyddogol cyntaf yng Nghaerdydd. Dros y cyfnod yma, mae gymaint wedi newid ac, mewn sawl gwlad bellach, mae bywyd yn llawer tecach, yn llawer mwy diogel i aelodau’r gymuned. Ond, yn yr un gwynt, rhaid cofio bod gymaint o ffordd eto i fynd a nid pawb sydd yn teimlo’n saff o ddydd i ddydd – a dyma un rheswm pam bod Mis Pride mor bwysig. Wedi’r cyfan, does dim cydraddoldeb nes mae pawb yn ddiogel.