Ar lwyfan y sioe, roedd edrychiad dau ddarn coch llachar yn sefyll allan ar unwaith, ac mae’n profi un peth: mae lliwiau beiddgar nôl! Roedd y lliw cryf yn dod â chymaint o egni i’r llwyfan, ac yn gwneud yr edrychiad sefyll allan yn syth. Mae’n amlwg y gallai’r math yma o liwiau beiddgar ymddangos ar brif lwyfannau LFW hefyd. Ond yn y wisg yma mae’r thema flodeuog yn cael ei chymryd gam ymhellach - mae’r blodau’n ganolog i bopeth.

Wedi i mi ddychwelyd o fwrlwm y sioe, cefais gyfle i ddal i fyny gyda’r prif sioeau. Roedd edrychiadau yn sioe Conner Ives. Os wyt ti'n chwilio am ysbrydoliaeth o wisgoedd achlysurol a hawdd i’w gwisgo ond sydd dal yn sefyll allan gyda lliwiau deniadol a manylion blodeuog, dyma fan cychwyn da!

Côt trench? Yn oesol. Gellir ei wisgo dros unrhyw beth a thynnu unrhyw edrychiad i’r lefel nesaf! Mae Burberry wedi gwneud hyn eto gyda’u casgliad LFW 2026 - vibes clasurol, egni gwanwyn llawn, a thueddiad sy’n para am byth. Mae’r gôt yn fuddsoddiad, ac fe gei bwyntiau bonws os wyt ti’n dod o hyd i un safon wych yn ail law!

Wrth gwrs, mae’r dyluniadau ar y llwyfannau'r wythnosau ffasiwn yn wreiddiol ac yn unigryw, ac mae llawer o waith caled wedi mynd iddynt. Ond does dim rhaid i ti wario llawer i gael edrychiad tebyg! Gellir ail-greu’r steiliau yma a bod yn rhan o’r tueddiadau diweddaraf trwy siopa’n lleol a defnyddio’r hyn wyt ti’n ei weld ar y modelau i lywio dy sgrolio ar yr ap dillad ail law.