Wyt ti erioed wëid clywed y term “bwyta’r calendr”? Na, dim llowcio papur mis ar ôl mis fel Ceridwen! Mae’n derm sydd yn cael ei ddefnyddio er mwyn disgrifio bwyta’n dymhorol a gwneud y mwyaf o’r llysiau a ffrwythau sydd yn barod i’w bwyta yn naturiol - ac mae’n llawer haws cynnwys ffrwythau a llysiau tymhorol i mewn i dy ddeiet na’r hyn ti’n dychmygu!

Yn nhymor y Gwanwyn, mae digonedd o ddewis ar gael (er mai dim ond rŵan mae’r tir yn dechrau deffro) ac mae mwy nag un fantais. Mae bwyta yn y tymor cywir yn golygu bod llysiau a ffrwythau yn barod yn naturiol - hynny yw, pan maen nhw’n fwyaf blasus! A’r hyn sydd yn eu gwneud yn fwy blasus fyth ydi eu bod nhw’n dueddol o fod yn rhatach pan maen nhw’n barod yn naturiol, gan nad oed prosesau ychwanegol wedi bod mewn lle er mwyn eu tyfu’n artiffisial.