I ddechrau, glityr! Pwy sy ddim yn licio glityr? Does 'na ddim byd yn deud parti fel bach o sbarcl. Mae modd mynd ‘all out’ gydag ewinedd hollol sbarcli neu ychwanegu pop o arian neu aur glityr i dynnu llygad. Mae ychwanegu siapiau a phatrymau geometric yn ffordd o ddyrchafu'r ewinedd a mynd a nhw i’r lefel nesa. Mae modd hefyd ychwanegu glits arian at liwiau gwahanol i ychwanegu haen wahanol! Mae modd rhoi’r patrymau hyn ar ewinedd hir ac ewinedd byr. Yn fan hyn mae cyfuniad y lliwiau a’r patrymau yn creu edrychiad lliwgar a chwareus. Mae amrywiaeth i’r dyluniad, o polka dots, sy’n trendi iawn ar hyn o bryd, i batrymau abstract sy’n rhoi cymeriad gwahanol i bob ewin. Mae’r lliwiau gwahanol yn hyfryd ac yn addas ar gyfer pob tymor.

Am rywbeth mwy cynnil ond yr un mor effeithiol mae modd cael patrwm syml ar gefndir plaen a niwtral. Mae’r lliwiau pinc a choch tywyll yma yn berffaith ar gyfer unrhyw achlysur boed yn barti neu de prynhawn gyda’r teulu yn ystod unrhyw dymor. Yr hyn sy’n lysh am symlrwydd y cynllun yw’r acenion syml a gwahanol ar bob ewin. Y blodyn gyda’r gemau sbarcli, a’r ‘french tips’ gyda thwist gyda phatrwm ‘tortoise shell’. Yma dani’n gweld y patrwm ar ewinedd eithaf hir gyda siâp almwnd ond mae modd cael yr un math o batrwm ar ewin byrrach hefyd.