Noddir gan Lywodraeth Cymru_Gwyn.png

Cefnogir Lysh gyda chymorth ariannol oddi wrth Lywodraeth y Cynulliad a Chyngor Llyfrau Cymru. 

Hawlfraint © 2019 Lysh Cymru. Nid yw Lysh Cymru yn gyfrifol am gynnwys gwefannau allanol.

RHYBUDD:

Allanfa Dân ar dân am fwy o gigs!

Ar ôl perfformio mewn dwy gig, mae band newydd yn ysu am ragor. Dyma Glain Llwyd o Dal-y-bont, Aberystwyth i sôn am Allanfa Dân...

Aelodau’r band yw- 


Glain (fi!) - canu 


Gruff - canu

 
Efan -
Gitâr 


Fabs - bass


Gwion - drymiau 

Dilyna'r band

ar Instagram:

@allanfadan_

Yn wreiddiol dim ond y bois oedd yn rhan o’r band ond gofynnon nhw i fi fod yn rhan hefyd. Ffurfio er mwyn cael perfformio yng ngŵyl Aber wnaethon ni. 

Ni’n cytuno ar lawer o bethau ond doeddwn ni methu cytuno ar enw (bach o broblem)! Awr cyn y perfformiad, dyma ni’n eistedd yn ystafell gerdd yr ysgol (Penweddig) yn trio penderfynu ar enw. Dyma Fabs yn cynnig yr enw ‘Allanfa dân’ gan fod arwydd allanfa dân ar ddrws cefn yr ystafell. A dyma bawb yn cytuno.

Ni wedi gwneud cover o REBEL gan Mellt (am mai band o Benweddig ydyn nhw hefyd ac maen nhw’n rili cŵl!), ANIFAIL gan Candelas (hoff o’r vibe roc a rôl) CATALUNYA gan Gwilym (cover acwstig, mae’n gân grêt a thiwn rili catchy!!) a RHEDEG I PARIS gan Anhrefn (classic).

Ni’n gweithio ar bethau gwreiddiol ar y funud felly cadwch lygad allan (emoji winc!). Ond ry’n ni’n joio chwarae pob cân gan fod amrywiaeth ym mhob un ohonyn nhw. 

Gan mai band newydd ydyn ni, dim ond dwy gig ry’n ni eu gwneud (hyd yn hyn!) ac roedd y ddau yn HOLLOL wahanol! Roedd un ar lwyfan Gŵyl Aber a’r llall yn neuadd yr ysgol o flaen blwyddyn 7! 

Glain gydag Ifan o'r band Gwilym!

Disgrifiad o’r band mewn tri gair? 
Hwyl, Bywiog, Newydd!

 

Ein gobeithion yw parhau fel band, ysgrifennu stwff newydd a gwreiddiol ac i gigio mewn llefydd mwy o faint (‘Steddfod o bosib!) a jyst parhau i gael hwyl! 


Mae’n anodd dweud lle fyddwn ni mewn pum mlynedd, dim ond Doctor Who fyddai’n medru dweud hynna (sori dw i’n masif nerd)! Ond yn ddelfrydol, byddai perfformio ym Maes B neu yng Ngwobrau’r Selar yn ôsym!